Miliarderi kinez dhe themeluesi i Alibaba, Jack Ma nuk është parë në publik për më shumë se dy muaj.

Sipas mediave ndërkombëtare besohet se ai është zhdukur pasi kritikoi qeverinë kineze, transmeton portal arbresh.info

Ai nuk u paraqit në episodin e fundit të shfaqjes së tij “Afrikanët e Biznesit Heronj”, në të cilin ishte një nga gjyqtarët. Ai u zëvendësua nga CEO i Alibaba Lucy Peng, dhe fotografia e tij u hoq nga faqja e internetit.

Një zëdhënës i Alibaba tha se Ma nuk ishte në juri “për shkak të një konflikti në orar”, shkruan Financial Times.

Perandoria e biznesit të tij ka qenë nën vëzhgimin e syrit të qeverisë kineze, që kur Ma mbajti një fjalim në Shangai më 24 tetor, dhe kritikoi sistemin rregullator të Kinës për mbytjen e inovacionit, duke krahasuar rregullat bankare globale me një “klub të të moshuarve”, transmeton portali arbresh.info

“Sistemi i sotëm financiar është një trashëgimi e epokës industriale. Ne duhet të vendosim një të re për brezin e ardhshëm dhe për të rinjtë. Ne duhet të reformojmë sistemin aktual,” tha Ma në fjalimin e tij.

Ish-zyrtari kinez dënohet me vdekje shkaku i korrupsionit

Pak më shumë se një javë më vonë, oferta e parë publike e Ant (vlerësuar në një rekord prej $ 37 miliardë dollarë), e cila tashmë ka marrë dritën jeshile nga organi i mbikëqyrjes së letrave me vlerë të Kinës, u pezullua.

Autoritetet kineze filluan një hetim kundër Alibaba në fund të dhjetorit dhe i thanë kompanisë Ant Group që të ristrukturonte biznesin e tij.

Ma është parë në mediat sociale në fund të tetorit të vitit të kaluar./arbresh.info/